गर्मी बढ्यो, सुर्यको ताप धर्तीमा पर्यो अनि पृर्थवीको तापक्रम बढ्नाले उसलाई ज्वरो आयो ।
जीवहरुले सास लिदा ड्रागनले सास लिग्दा आगो आएझै छ ।
बादलहरू कायरझै डराए अनि आकाशमै लोप छन् ।
रूखहरू, कंकाल जस्तै कडा र खाली खडा छन् ।
ओहो कति गर्मी !
वर्षाको फुसफुसाहट र चिसो हावाको सास मानौ दुर्गम ठाउँमा छ ।
महासागरहरु उम्लिदै छन्, पहाड अनि हिमशिखर पग्लिदै छन्।
रातहरूले कुनै चिसो विश्राम दिँदैन।
शान्ति छैन, मीठो आराम छैन।
बगैंचामा पङ्खुडीहरु शोकमा झुकेका छन् ।
नदी र पानीका स्रोतहरु पनि आति्एका छन् ।
चराचुरुङ्गीहरु भौतारिदै आकाशमा जलको पर्खाइमा छन् ।
वन धुवा र डडेलोले त्रसित छ ।
दिउँसोको भट्टी मुनि पृथ्वी फुट्दै छ ।
हरेक निधारबाट नदीझै पसिना बगेको छ ।
जनावरहरू शीतल ठाउँमा शरणको खोजी छन् ।
सुर्य रिसाएको छ, धर्ती तिर्खाएको छ ।
