खै ! कता मग्न छु,
खै! कता मग्न छु , म कतै छुटे जस्तो लाग्छ,
हिजोआज त आफैँसॅंग नाता टुटेजस्तो लाग्छ ।
उदाएको घामले पनि मनलाई,
अँधेरोमा धकेल्न थालेको छ,
आफ्नै समिपले आफैँलाई,
कोशौँ टाढा लखेट्न थालेको छ ।
भिडमा पनि एक्लोएक्लो भएको जस्तो हुन्छ,
आफै अनविज्ञ छु भनुभने महसुस कस्तो हुन्छ,
न त उत्साह,नत रमाइलोले कसैगरी छुन्छ,
गह भिज्दैनन् तरपनि मन भित्रभित्रै रुन्छ ।
भगवानपनि एकपल निर्दयी र निरिह लाग्छ,
हरक्षण हरपल तिम्रै याद प्रिय लाग्छ,
सुस्तसुस्त सपनाहरु सखाप हुन थालेको छ,
कसरी भॅंनु, मनलाई तिम्रो अभाव हुन थालेको छ ।
-रिचा भट्टराई