चियादानिमैँ चियापत्ती अल्झिँरहदा पनि,
जुन रसले भरिएर,
चियापत्ती अझैँ भिजिरहन्छ,
जुन रसले भरिएर,
चियापत्ती अझैँ पनि चिसिईरहन्छ
अलि अलि गर्दै,
चियापत्ती’ले तरलमा रँग
पोखिईरहन्छ,
पोखिईरहन्छ,
रङ्ग पोखिँदा पोखिँदै,
अन्ततः रित्तो भैँसकेपछि
अब दिनलाई ऊ’सँग जुन कुरा बाँकी रहन्छ,

“बाँकी नरहेको कुरामा
जुन कुरा दिनलाई बाँकी रहन्छ ”
त्यहि नै हो ‘प्रेम’

बगर छोडेर,
नदी सागरमा मिसिन आएझैं
आउनु तिमी मेरा लागी पनि,
आफुसँग केही कुरा बाँकी नराखी,
मसँग मसँगै,
बाकी हुन आउनु तिमी मेरा लागि,
रित्तो भएरै आउनु तिमी मेरा लागि,
खाली, खाली म’ तिमीभित्र भरिने छु ।

रित्तो मौन आकाशले सागरलाई भर्न,
अँगालोभरी पानी अटाँएर राखे जसरी,
रित्तो मैले’ तिमीलाई भर्न,
एक अङ्गालो माया अटाएर राखेको छु
आउनु,
तिमी मेरा लागी आउनु,
आफुसँग केही कुरा बाँकी नराखी,
मसँग मसँगै,
बाकी हुन आउनु तिमी मेरा लागि,
रित्तो भएरै आउनु तिमी मेरा लागि,
खाली, खाली म’ तिमीभित्र भरिने छु ।