राष्ट्रिय स्वतन्त्र पार्टीकी समानुपातिक सांसद श्रद्धा कुंवरले सामाजिक सञ्जाल फेसबुकमा आफ्ना पोस्टहरू बुस्ट गर्न डलर खर्च गरेको देखिएपछि आलोचना सुरु भएको छ।
पछिल्लो समय उनका पोस्टहरू ‘स्पोनसर’ रूपमा प्रयोगकर्ताको फिडमा देखिन थालेका छन्। सार्वजनिक पदमा बसेको व्यक्तिले आफ्ना गतिविधि र विचार सामाजिक सञ्जालमार्फत सार्वजनिक गर्नु सामान्य भए पनि, पहुँच बढाउन पैसा खर्च गर्नु कत्तिको उचित हो भन्ने प्रश्न उठेको छ।
कतिपयले यसलाई कामभन्दा प्रचारलाई प्राथमिकता दिने प्रवृत्ति भन्दै टिप्पणी गरेका छन्। “काम राम्रो भए बुस्ट नगर्दा पनि जनसमर्थन आफैं बढ्छ,” भन्ने प्रतिक्रिया सामाजिक सञ्जालमै देखिन थालेको छ।
