Category: समाचार

मलाई चाहि साना साना कुराहरुले खुसी पनि दिन्छ
अझ भनौँ म चाँडै खुशी हुन्छु अनि फेरी साना कुराले
मन पनि दुख्छ, चित्त दुख्छ !

जब जब श्रावण महिना सुरु हुन्थ्यो
अनि अर्कै उमंग छाए जस्तै, चाडबाड सुरु भए झैँ महसुस हुन लाग्थ्यो मलाई !
अझ भनौँ
श्रावणमा हरियो, पहेँलो रातो, सिन्दुर पोते, चुरा
र हातैभरी मेहेन्दीमा सजिएर हिँडेका आमा दिदिहरुलाई देख्थेँ अनि मन फुरुङ्ग हुन्थ्यो !

साथीहरु अझ भनौँ कोहि चिन्दै नचिनेकाहरु बाटोमा हरियो पहेँलो चुरा, हातभरी मेहेन्दीमा सजिएर हिँडेको देख्थेँ,
अनि वाह कस्तो राम्रो भने झैँ लाग्थ्यो !
अझ त्यसमा मौलिक पहिरन कुर्था अनि सारीले झन सुन्दरता थपेको हुन्थ्यो ।
अझ सुन्दर देखिन्थे !

यस्तो सोच्दै गर्दा, कहिलेकाही आफ्नोपनि यस्तै खुसीहरु
साट्ने मान्छे होस ,
हरियो पहेँलोमा सजिएर हातभरि चुरा लागाई,
हातको मेहेन्दी देखाएर
“कस्तो छ भन्नुस न ?”
भन्ने मान्छे भइदिए नि हुने भनेर धेरैपटक सोचेको छु मैले ।

म मेरो त्यो सोचमा धेरैपटक तिमीलाई नै सम्झेको छु तिमीलाई नै कल्पना गरेको छु !

आज जब त्यही कल्पना गरेको मान्छेले आएर
यो जीवन रङ्गाइदिन्छ नि अनि महसुस हुन्छ असली खुसी, साँच्चैको सुख,
हिजो कल्पनामा हराउनेले आज त्यो सबै कुराहरु
त्यही मान्छेमा देख्न पाउनु, आफ्नै मान्छेबाट त्यो खुसी त्यो सुख अनुभुति गर्न पाउने भाग्य सबैको कहाँ हुन्छ र हजुर !

थाहा छैन तिम्रो र मेरो आस्थाले के कुरा पुरा गर्छ , के गराउँछ हाम्रो भविष्य ,
तर, त्यो आस्थाले हाम्रो प्रेमको आयू भन्ने पक्कै बढाउने छ !
हामीमा अझ बिश्वास बढाउने पक्कै छ !

तिम्रो हातमा सजिएका हरिया, पहेंला चुरा, सिउँदोमा सजिएको सिंदुर,
हातमा गाढिएका मेहेन्दीको रङ्गले मेरो जिन्दगीमा रङ्ग भरेका छन् !
– अनिता रेग्मी

बेइजिङ । उत्तरी चीनमा रहेको राजमार्गको पुल नदीमा खस्दा एघार जनाको मृत्यु भएको छ भने तीस जनाभन्दा बढी बेपत्ता भएको सरकारी प्रसारणकर्ता सिसिटिभीले शनिबार जनाएको छ।

प्रान्तीय जनसम्पर्क विभागलाई उद्धृत गर्दै आधिकारिक समाचार एजेन्सी सिन्ह्वाका अनुसार शुक्रबार राति करिब ८ः४० बजेको भीषण वर्षाले निम्त्याएको आकस्मिक बाढीका कारण सानक्सी प्रान्तको साङ्लुओ नदीमा रहेको पुल भत्किएको बताएको छ ।

राजमार्गको पुल तल नदीमा खसेपछि “लगभग बीसवटा सवारी साधन र तीस जनाभन्दा बढी व्यक्ति” बेपत्ता भएको सिसिटिभीले बताएको छ ।

“हालसम्म उद्धार गरिएका पाँच वटा गाडीभित्र ११ जनाको शव फेला परेको हो”,  प्रसारणकर्ताले बताएको छ ।

राज्यको टिभीमा सार्वजनिक गरिएको तस्बिरहरूमा पुलको आंशिक भाग नदीमा डुबेको देखाइएको छ ।

उत्तरी र मध्य चीनमा मङ्गलबारदेखीको निरन्तर वर्षाले यहाँको भूभाग बाढीपहिरोबाट प्रभावित भएको छ ।

राज्य सञ्चालित सञ्चारमाध्यमले शुक्रबार सानक्सीको बाओजी सहरमा आएको बाढी पहिरोबाट कम्तिमा पाँच जनाको मृत्यु भएको र आठ जना बेपत्ता भएको जनाएको छ ।

काठमाडौँ । चितवनको भरतपुर महानगरपालिका–२९ अन्तर्गत नारायणगढ–मुग्लिन खण्डको सिमलतालस्थित त्रिशूली नदीमा बेपत्ता भएका दुईवटा र यात्रुको खोजी आज पनि जारी रहेको छ ।

आज भारतबाट विशेष उपकरणसहित १० जनाको टोली बस र यात्रुको खोजीका लागि दुर्घटना क्षेत्र सिमलताल आउने भएको छ ।

गत असार २८ गते शुक्रबार बिहान सिमलतालमा पहिरोसँगै खसेका दुई बसमा ६५ यात्रु रहेकोमा तीनजनाले पौडिएर ज्यान जोगाएका थिए ।

६२ यात्रु बेपत्ता भएकोमा हालसम्म २३ जनाको शव फेला परेको छ । मृतकमध्ये १५ जनाको सनाखत भएको छ । आठ पुरुष र एक महिला गरी नौ शवको सनाखत हुन सकेको छैन ।

शवहरु चितवनको गोलाघाट, सालबास र सिसवार, नवलपुरको गैँडाकोट, भुताहा, त्रिवेणी व्यारेज क्षेत्रलगायत घटनास्थलबाट तटीय क्षेत्रमा फेला परेका हुन् ।

वीरगञ्जबाट काठमाडौँ आउँदै गरेको बागमति प्रदेश ०३–००६ ख १५१६ नम्बर र काठमाडौँबाट गौरतर्फ जाँदै गरेको बागमती प्रदेश ०३–००१ ख २४५९ नम्बरको बस लेदोसहितको पहिरोले बगाएर त्रिशूली नदीमा बेपत्ता भएको थियो ।

पर्वत । जिल्लाको मोदी गाउँपालिका–६ तिलाहारमा सडकसँगैको जमिन भासिँदा सिङ्गो बस्ती जोखिममा परेको छ । तिलाहारको नवजागृत माध्यमिक विद्यालय नजिक रहेको डिमुवा–राम्जा–चित्रे सडक भासिँदा सडकभन्दा तल रहेको बस्ती जोखिममा परेको हो ।

गत असार ३० गतेको राति आएको अविरल वर्षाका कारण करिब ७० मिटर लामो सडक भासिनुका साथै वरपरका केही घर चर्किएका छन् । जमिन भासिएपछि स्थानीयले प्लाष्टिक ओढाएर भासिएको जमिनबाट तत्काल पानी बग्न रोके पनि जमिनको भासिनेक्रम नरोएिकको मोदी–६ का वडाध्यक्ष दिपेन्द्रजङ्ग लामिछानेले जानकारी दिए । उनका अनुसार जमिन भासिएपछि सडकको माथिपट्टि र तलपट्टि रहेका करिब ४० परिवार जोखिममा परेका छन् ।

वडाध्यक्ष लामिछानेले डिमुवा बजारभन्दा माथि रहेका बस्ती र कुँवर टोल, फूलबारी र साउनेपानीका घर जोखिमा परेका जानकारी दिए । केही परिवारले घर छाडेर अन्यत्र बस्न थालिसकेका छन् । पहिरोलाई तत्काल रोकथाम नगर्ने हो भने ठूलो विपत्ति आउनसक्ने उनको भनाइ छ ।

यसैबीच गण्डकी प्रदेश सरकारका भौतिक पूर्वाधार विकासमन्त्री राजीव गुरुङले जमिन भासिएको क्षेत्रको स्थलगत निरीक्षण गरेका छन् । निरीक्षणपछि मन्त्री गुरुङले तत्काल पहिरो नियन्त्रण गर्न आवश्यक डिजाइनको खाँका तयार गर्न निर्देशन दिनुभएको मोदी गाउँपालिकाका उपाध्यक्ष विमल लामिछानेले जानकारी दिए ।

पालिकाले अनुमानित लागत र डिजाइन तयार गरेपछि पहिरो नियन्त्रणका लागि प्रदेश सरकारले आवश्यक बजेट विनियोजन गर्ने मन्त्री गुरुङले आश्वासन दिएका छन् । बस्ती माथिकोे जमिन भासिएपछि सडकमा सवारी आगमनमा समस्या परेको र जमिन भासिएको स्थान नजिकका घर तत्काल स्थानान्तरण गर्नुपर्ने अवस्था रहेको उपाध्यक्ष लामिछानेले बताए ।

गाउँपालिकाले तत्काल रोकथामको प्रयास गरिरहेको जनाउँदै दीर्घकालीन रोकथामका लागि ठूलो बजेट आवश्यकपर्ने भएकाले प्रदेश र सङ्घ सरकारले पहिरो नियन्त्रणमा सहयोग गर्नुपर्नेमा उनले जोड दिए ।  सोही खण्डअन्तर्गत दराक र थामर्जुङ, पहरे, काउछे, भगरिका केही घर पहिरोको जोखिमा रहेका पालिका कार्यालयले जनाएको छ ।

यस वर्षको मनसुन सक्रिय भएपछि मोदी गाउँपालिकाको वडा नं २ देउपुरको जरुवामा रहेको दलित बस्ती पूर्ण रुपमा बगरमा परिणत भएको छ । यहाँ बस्दै आएका १५ परिवार विस्थापित भएका छन् ।

१२ बज्यो । अब त निधाइसक्नु पर्ने। कोशिश गर्छु, निद्रा नै लाग्दैन । मन स्थिर छैन। शरीरमा छ्ट्पटाहट बेग्लै।

आजको दिन लामो थियोे। बिहान छतमा बसेर एकोहोरो एउटा परेवालाई नियाल्दै थिए। परेवा एक्कासी त्यो उडिरहेको ठुलो झुन्डमा गएर मिसियो । कुनचाहिं थियोे, औल्याउँनै सकिन।
म डरपोक । मलाई डर लाग्छ। कतै त्यो परेवा हराएजस्तै यि मान्छेहरुको  भिडमा म हराउने त होईन?

दिँउसो कक्षामा सरले कक्षाकार्य गर्न दिनु भयो। सबै साथीहरु को उत्तर आइसक्यो। म भने अलमलिरहे।
म डरपोक । मलाई डर लाग्छ। कतै यो प्रतिस्पर्धि भागदौड मा म पछि पर्ने त होइन?

१ बजिसकेछ। निद्राको अत्तोपत्तो छैन। गर्मि बढेको महसुस भयो। पंखा चलाउन मन थियोे । तर बिहानदेखि रुघाखोकीले हैरान त्यो साथी अझ बिरामी पर्ने हो कि भनेर डर लाग्छ। शित्तल ताप्न बाहिर निस्किन्छु, अँध्यारो देखेर डर लाग्छ। बिहान समयमा नउठुला भन्ने डर छुट्टै।
साँझपल्ट सुर्यास्त हेर्दै थिए । प्राय मान्छेहरू सुर्यास्तमा रमाउछ्न, आनन्दित हुन्छन ।
तर म ? म त डरपोक । मलाई डर लाग्यो। कतै आफ्ना भनेर साँचिएका ती प्रियजनहरु म बाट टाडिदा त्यो सुर्यास्त पछीको आकाश जस्तै एक्लो, चिसो , अँध्यारो अनि बेरङ भइने त होइन?

२ बज्यो । सकि नसकि निधाए। सपना पनि डरलाग्दो।
त्यो दिन अनि रात डराएरै बित्यो।

म प्राय डराउछु।
मलाई डर लाग्छ।
शत्रुहरु संग डरलाग्छ।
आफ्ना भन्नेहरु संग डर लाग्छ।
आफैं संग डर लाग्छ।

मलाई भिड देखेर डर लाग्छ ।
एक्लोपन संग डरलाग्छ ।

मलाई वचन दिन डरलाग्छ।
दिएका बिश्वास तोड्ने पो हुनकि? डरलाग्छ।
मलाई आशा मा डरलाग्छ।
मलाई निराशा मा डरलाग्छ।

मलाई टाडिन डरलाग्छ।
मलाई नजिकिन डरलाग्छ।
संगै हुदा डर लाग्छ।

धेरैजसो भविष्यको चिन्ताले डराउन दिन्छ।
कहिलेकाँही अतितको सम्झनाले डराउन दिन्छ।

म सफल हुन्छ हुदिन, डरलाग्छ।
असल छु छैन, डरलाग्छ।
दुखपर्दा आत्तिन्छु कि ?  डरलाग्छ।
सुखपर्दा मात्तिन्छु कि ? डरलाग्छ।

मलाई देश देखेर डर लाग्छ ।
राजनिति देखेर डर लाग्छ ।
धनाड्य हरुको हर्सोहुलास देखेर डरलाग्छ ।
गरिब हरुको दुख देखेर डरलाग्छ ।

मलाई सत्य बोल्न डरलाग्छ ।
नसुन्दिने पो हुन कि ? डरलाग्छ ।
मलाई प्रश्न गर्न डरलाग्छ ।
झुटो बोल्दिने पो हुन कि ? डरलाग्छ ।

मलाई परिवर्तनशिलतामा डरलाग्छ ।
स्थिरतामा डरलाग्छ ।
मलाई मौनता देखि देखि डरलाग्छ ।
शब्दहरुको भार देखि डरलाग्छ ।

म प्राय डराउछु ।
मलाई डरलाग्छ ।

– अमृत न्यौपाने