काठमाडौँ । नेपाली फिल्म ‘देवी’ तीजमा प्रदर्शनमा आउने भएको छ।
निर्माण टिमले पोस्टर सार्वजनिक गर्दै भदौं २१ गतेदेखि फिल्म प्रदर्शनमा ल्याउने घोषणा गरेको हो।
महिलामाथि हुने यौनहिंसा विरुद्धको कथावस्तुमा बनेको फिल्मलाई सञ्जोग राईले निर्देशन गरेका हुन्। पोस्टरमा शिल्पा मास्केको क्यारेक्टर लुक्स प्रस्तुत गरिएको छ।
क्राइम थ्रिलर जनरामा बनेको फिल्ममा शिल्पाका साथमा गौरव पहारी, नाजिर हुसेन लगायतको अभिनय छ।
रेमन गुरुङ, नारायण राई र सञ्जोग राई फिल्मको निर्माता हुन्। यसको पटकथा निर्देशक राईले अजय गौतमसँग मिलेर तयार पारेका हुन्।
एक्जिबिट स्टुडियोको प्रस्तुति रहेको फिल्म बाँसुरी फिल्म्ससँगको सहकार्यमा निर्माण भएको हो।
