खोजप्रेस : नेपाली अन्लाईन पत्रीका

Blog

  • निर्मल निवासले जरिवाना पत्र नबुझेपछि हुलाकबाट पठाइयो

    निर्मल निवासले जरिवाना पत्र नबुझेपछि हुलाकबाट पठाइयो

    काठमाडौं। काठमाडौं महानगरपालिकाले पूर्वराजा ज्ञानेन्द्र शाहलाई हुलाकमार्फत जरिवाना तोकिएको पत्र पठाएको छ ।

    आज बिहान नगर प्रहरी बल जरिवानाको पत्र बुझाउन पूर्वराजाको निवास निर्मल निवास पुगेको थियो । तर पूर्वराजा शाहको सचिवालयले जरिवाना पत्र बुझ्न नमानेपछि हुलाक र इमेलबाट पत्र पठाएको महानगरका सहायक प्रवक्ता ध्रुव कुमार काफ्लेले खबरहबलाई बताए ।

    महानगरले हिजो सार्वजनिक सूचना मार्फत शुक्रबार राजावादीहरूले काठमाडौंमा गरेको प्रदर्शनका क्रममा फोहर र क्षति गरेको भन्दै विभिन्न शीर्षकमा ७ लाख ९३ हजार रुपैयाँ जरिवाना गर्ने जनाएको थियो ।

  • देवदह वडा नम्बर -५ मा वडा खेलकुद समिति गठन

    देवदह वडा नम्बर -५ मा वडा खेलकुद समिति गठन

    देवदह । देवदह नगरपालिका वडा नं ५ ले वडास्तरको खेलकुद समिति गठन गरेको छ । देवदह नगरपालिकाका नगर प्रवक्ता एवं वडा नं ५ का वडाअध्यक्ष गणेश डुम्रेको अध्यक्षतामा शुक्रबार बैठक बसी  वडास्तरीय खेलकुद समिति गठन गरिएको हो ।

    वडा अध्यक्ष डुम्रेले वडा नं ५ खेलकुद समिति गठन गर्ने पहिलो वडा भएको दाबी गरे । उनले वडामा रहेका खेल प्रेमी युवाहरुलाई हिम्मत र प्रोत्साहन गर्ने, नयाँ खेलाडी उत्पादन गर्ने उद्देशका साथ उक्त समिती गठन गरिएको बताए । उनले पहिला खेल्कुद समिती नबनेको हुदा बजेट पास गर्न उपभोक्त समिती निर्माण गर्नु पर्ने भएको र उक्त क्रियाकलपले बेरुजु देखिने हुदा आगमी दिनहरुमा यस समितीले वडामा आयोजना हुने सम्पुर्ण खेलको नगर खेलकुद समिती सङ समन्वय गरि विकास गर्न आग्रसर रहने बताए ।

    गणेश डुम्रेको अध्यक्षतामा भएको उक्त कार्यक्रममा नविन लुईटेलको अध्यक्षमा ९ सदस्यीय समिती निर्माण गरिएको छ। जसको उपाध्याक्ष कुलबिर घर्ती मगर, सचिव सलिना रेग्मी,कोषाध्यक्ष पारस न्यौपाने, सह सचिव निश्वल अर्याल, सदस्य विबेक खराल,बालकृष्ण सुनार,संगिता तामाङ्ग,सुवास चापागाई रहेका छन ।

  • राजावादीले आगो लगाएको तीनकुनेस्थित भवनमा जिउँदै जलेर पत्रकारको मृत्यु

    राजावादीले आगो लगाएको तीनकुनेस्थित भवनमा जिउँदै जलेर पत्रकारको मृत्यु

    काठमाडौं । राजावादीले आगजनी गरेको काठमाडौंको तीनकुनेस्थित एक घरमा जलेर एकजना व्यक्तिको मृत्यु भएको पाइएको छ।

    राजावादीहरूले उग्र प्रदर्शनका क्रममा प्रहरी बसेको आरोपसहित आगो लगाएको उक्त भवनमा जिउँदै जलेर एकजना व्यक्तिले ज्यान गुमाएका हुन् ।

    यसरी ज्यान गुमाउनेमा उनी एभिन्यूज टेलिभिजनमा कार्यरत सुरेश रजक रहेको खुलेको छ । उनी एभिन्यूज टेलिभिजनका क्यामेरा म्यानका रुपमा कार्यरत रहेको खुलेको छ । तर प्रहरीले औपचारिक रुपमा उनको विस्तृत विवरण खुलाउन मानेको छैन ।

    उक्त भवनमा आगो लगाइएपछि जलेर ज्यान गुमाएको अवस्थामा रजकको शव भेटिएको हो । तर जलेर मृत्यु भएका उनको शव नचिनिने अवस्थामा भेटिएको छ ।

    अहिले त्यहाँ प्रहरी पसेर घटनास्थल जाँच प्रकृति मुचुल्का उठाइरहेको छ । प्रहरीसँगको झडपपछि तीनकुने क्षेत्रमा अवस्थित उक्त मार्बल हाउसमा आगजानी गरिएको थियो । यसअघि उक्त घरमा राजावादीले ढुंगा हानेर शिशा सबै फुटाइदिएका थिए ।

  • आजको मौसम: पश्चिमी तथा स्थानीय वायुको आंशिक प्रभाव

    आजको मौसम: पश्चिमी तथा स्थानीय वायुको आंशिक प्रभाव

    काठमाडौँ । हाल देशमा पश्चिमी तथा स्थानीय वायुको आंशिक प्रभाव रहेको छ । आज बिहान कोशी प्रदेश र गण्डकी प्रदेशको पहाडी भू–भागमा आंशिक बदली रहेको छ । बाँकी भू–भागको मौसम मूख्यतया सफा रहेको छ ।

    जल तथा मौसम पूर्वानुमान महाशाखाका अनुसार आज दिउँसो कोशी र गण्डकी प्रदेशका हिमाली तथा पहाडी भू–भागमा आंशिक बदली रही बाँकी भूभागमा मौसम सफा रहने छ । आज दिउँसो ती दुवै प्रदेशका हिमाली क्षेत्रमा हल्का हिमपात तथा पहाडी भू–भागका एकदुई स्थानमा मेघगर्जन र चट्याङसहित हल्का वर्षाको सम्भावना रहेको छ ।

     

    आज राति कोशी, गण्डकी र सुदूरपश्चिम प्रदेशका हिमाली तथा पहाडी भू–भागमा मौसम आंशिक बदली रहने महाशाखाले जनाएको छ । कोशी र गण्डकी प्रदेशका हिमाली भू–भागमा आज राति हल्का हिमपात र पहाडी भू–भागमा हल्का वर्षाको सम्भावना रहेको छ ।

    लुम्बिनी प्रदेशलगायत सुदुरपश्चिमको तराईका केही भू–भागमा हावाहुरीको सम्भावना रहेको महाशाखाले जनाएको छ । यसबाट दैनिक जनजीवन, कृषि, स्वास्थ्य, सडक तथा हवाई यातायातमा आंशिक प्रभाव पर्न सक्ने भएकाले त्यसबाट हुन सक्ने असरबाट बच्न आवश्यक उपाय तथा सतर्कता अपनाउन महाशाखाले अनुरोध समेत गरेको छ ।

  • जन्मिएपछि किन नबाँच्ने

    जन्मिएपछि किन नबाँच्ने

    चरीले पनि एक मौसममा गुँड सार्नुपर्छ,
    फूलले आफ्ना सारा पातहरू झार्नुपर्छ,
    घामकै पनि चिसो याममा अस्तित्व नै मेटिन्छ त,
    हेर आफ्नै वरपर कहाँ एकनास भेटिन्छ त ?

    बुझी हेर, हर कोहीसँग हर्षित जीवन कसले प्रस्ट्याउँछ?
    बाली पनि हावाहुरी, पानी अनि हिमपश्चात् फस्टाउँछ!
    सङ्घर्ष नै जीवन र जीवन नै सङ्घर्ष भए, सङ्घर्षसँग किन भाग्ने ?
    सोच त! जन्मिएपछि किन नबाँच्ने ?

    जरुरी छैन, हरपल मनलाई चोटले छोइदिन्छ,
    एक पल मुस्काउँछ ओठ त अर्को पल आँखा रोइदिन्छ।
    सङ्घर्षको अघि घुँडा टेक्नुभन्दा घुँडा घसेर किन नबाझ्ने?
    सोच त! जन्मिएपछि किन नबाँच्ने ?

    जन्मिनुमा तिम्री आमाको मिठो अभिलाषा हुन सक्छ,
    मुहारमा तिम्रो उनले देखेको सुनौलो आशा हुन सक्छ।
    पीडा सम्झँदै धिक्कार्नुभन्दा, मुस्कुराउन मिठा सम्झना किन नसाँच्ने?
    सोच त ! जन्मिएपछि किन नबाँच्ने ?

  • बुहारी हौ, सहन सिक

    बुहारी हौ, सहन सिक

    भर्खरै बिहे भएको, सबै नयाँ-नयाँ थियो।आमालाई तिलहरी, बालाई औंठी दिँदै ढोगे।
    सबै दाइजो हेरिरहेका थिए,
    म मनमनै कति ऋण लाग्यो भनेर जोड्दै थिएँ ।

    कहिल्यै नटेकेको घरलाई आफ्नो घर,
    र आफू जन्मेर फूलबारी सजाएको घरलाई माइती भन्नुपर्ने।

    न जन्माएको, न हुर्काएको, न पढाएको, न त्याग-तपस्या गरेको तर सहजै आमा-बाबा स्वीकार गर्नुपर्ने।

    आफ्नै मुटुको टुक्रालाई पराइसँग सुम्पिदिँदा संस्कारको परिभाषा घोटाउनु पर्ने।
    कहिल्यै नचिनेको अनजान व्यक्तिलाई भगवान मानी पाउ पूज्नुपर्ने।

    जीवनका सारा अतीतलाई तिलाञ्जली दिँदै नयाँ संसार सजाउनुपर्ने।

    बेस्सरी हाँस्नु भएन, धेरै बेर सुत्नु भएन, छिटो-छिटो बोल्नु भएन, हतार-हतार हिँड्नु भएन।

    रिस कहिल्यै अनुहारमा आउनु भएन, थाक्नु कहिल्यै भएन, रुनु कहिल्यै भएन।

    छोटो लुगा लगाउन भएन, बुढासँग धेरै मिल्न भएन, छोरी मात्र पाएर भएन।

    सबैको खुट्टा ढोग्नुपर्‍यो, आफू तल परेर अरू माथि राख्नुपर्‍यो।सिन्दूर, पोते, चुराले ढाकिनुपर्‍यो। सँगै जागिर खाएर बुढा सोफामा, अनि बुढी चुलोमा पस्नुपर्‍यो। सबै आफन्तजनको आँखाको नानी बन्नुपर्‍यो।

    आमा-बुबालाई भेट्न अनुमति माग्नुपर्‍यो। कति सहजै भन्छौ है— “तिमी बुहारी हौ, कसैको चित्त नदुखाऊ” तर बुहारीको पनि मन छ, चित्त दुख्छ, कहिँ कसैले सोध्यो?

    बुहारी हुँदै गर्दा मैले त्यागेका मेरा खुशीको मूल्य कसैले सोध्यो? कति सहजै भन्छौ— “बुहारी हौ, कसैको चित्त नदुखाऊ।”

    – अनिता रेग्मी

  • हा हा हु हु गर्दैमा लोकतन्त्र मासिँदैन : प्रधानमन्त्री

    हा हा हु हु गर्दैमा लोकतन्त्र मासिँदैन : प्रधानमन्त्री

    काठमाडौँ । प्रधानमन्त्री केपी शर्मा ओलीले नेपाली जनता चनाखो रहेकाले लोकतान्त्रिक व्यवस्था हटाएर उथलपुथल हुन नसक्ने बताएका छन् ।

    बिहीबार काठमाडौँमा आयोजित एक कार्यक्रमलाई सम्बोधन गर्दै प्रधानमन्त्री ओलीले यस्तो बताएका हुन् ।

    उनले नेपाली जनता धेरै लामो समय संघर्ष गरेर एउटा सचेतनाका साथ अहिलेको व्यवस्थामा आएकाले हा हा हु हु गर्दैमा अन्य देशहरूको जस्तो व्यवस्था परिवर्तन हुन नसक्ने टिप्पणी गरे ।

    लोकतन्त्रलाई सुदृढ गर्ने कुरामा नेपाली जनता पर्याप्त चनाखो रहेको उनको भनाइ छ । अबको प्रश्न लोकतन्त्रलाई कसरी व्यवहारिक रूपमा सुदृढ गर्ने रु भन्ने रहेको बताए ।

    उनले लोकतन्त्र मासिने कुरा हुन नसक्ने जिकिर गरे ।

    प्रधानमन्त्री ओलीले भने ‘हेर्दाहेर्दै दरबार हत्याकाण्ड जस्ता काण्डहरू भए, सत्ता हत्याउने काम भए । सत्ता हत्याएर समाचार वाचकका पछि बन्दुक उभ्याउने काम भए । यो भन्दा बढी व्याख्या गर्नु परेन । लोकतन्त्र कहाँ बच्यो ? ती दिन नदेखेका मान्छे, त्यस जमानामा नजन्मिएको मान्छे अहिले यो भएन, त्यो भएन, तानाशाही भयो, अधिनायकवाद भयो भन्छन् । के अधिनायकवाद भन्नेकुरा भेगेकै छैनन् । हामी डेमोक्रेटिक सिस्टममा छौँ । यसमाथि धावा बोल्ने ? एयरपोर्टदेखि महाराजगञ्जसम्म त खुला उद्घोषका साथ मान्छेहरूले मार्च गरेको देखियो । लोकतन्त्र हुनु हुँदैन, संविधान अनुसार देश चल्नु हुँदैन, कानुनी राज हुनु हुँदैन । अराजकता सिर्जना गरेर केही मान्छेहरूले सजिलो हुन्छ, अस्तव्यस्त कायम गर्न । केही मान्छेहरूलाई भ्रम छ नेपालमा पनि अरु केही देशहरूमा जस्तै उथलपुथल हाहा हुहु गरेको भरमा हुन्छ भन्ने । नेपाली जनता धेरै लामो समय संघर्ष गरेर एउटा सचेतनाका साथ यहाँ आइपुगेका छन् । त्यसकारण लोकतन्त्रलाई सुदृढ गर्ने कुरामा नेपाली जनता पर्याप्त चनाखो छन् । अबको प्रश्न लोकतन्त्रलाई कसरी व्यवहारिक रूपमा सुदृढ गर्ने ? भन्ने हो । लोकतन्त्र मासिने कुरा हुन सक्दैन ।’

    प्रधानमन्त्री ओलीले स्थानीय तहलाई स्वच्छ बनाउने कुरामा आफूहरू लागि परेको बताए । उनले जनताले सिंहदरबारको सरकार गाउँ गाउँमा मात्रै पुग्यो र सिंहदरबारका भ्रष्टाचारहरू पनि गाउँमा पुगेको भन्दै टिप्पणी गर्ने गरेको बताए । सिंहदरबार भ्रष्ट नरहेको दाबी गर्दै सिंहदरबारमा बसेर देशको नेतृत्व गर्ने आफूले सधैँ भ्रष्टाचार गर्दिन र गर्न दिन्न भन्ने गरेको बताए ।

    उनले भ्रष्टाचार मुक्त सुशासन, भ्रष्टाचार अन्त्य गर्ने र जनतालाई सेवामा छिटो छरितो सेवा दिने काममा आफूहरू लागेको बताए । उनले स्थानीय तहको विकल्प नभएको पनि बताए ।

    प्रधानमन्त्री ओलीले आफूहरू देश निर्माण गर्ने कार्यकर्ता भएको बताए । संविधानको प्रभावकारी कार्यान्वयन र केही कुराहरू संशोधन गर्दा विचार पुर्याएर समयानुकूल बनाएर अघि बढ्न जरुरी रहेको बताए । संविधान संशोधनको अर्थ प्रणालीको रक्षा गर्ने, प्रभावकारी बनाउने, कमजोरी हटाउने र जनताको जीवनमा सकारात्मक परिवर्तन ल्याउने भएको बताए ।

  • आजदेखि एसइई, परीक्षा बिहान ८ बजेदेखि ११ बजेसम्म

    आजदेखि एसइई, परीक्षा बिहान ८ बजेदेखि ११ बजेसम्म

    काठमाडौँ । माध्यमिक शिक्षा परीक्षा (एसइई) आजदेखि सुरु हुँदैछ । राष्ट्रिय परीक्षा बोर्ड, परीक्षा नियन्त्रण कार्यालयका अनुसार देशभरका दुई हजार ७९ परीक्षा केन्द्रबाट आज बिहान ८ बजेदेखि एसइई सञ्चालन हुनेछ ।

    परीक्षा तालिकाअनुसार पहिलो दिन अनिवार्य अङ्ग्रेजी तथा संस्कृत वेदविद्याश्रमतर्फ अनिवार्य संस्कृत रचना र मदरसातर्फ अनिवार्य अरेबिक भाषा विषयको परीक्षा सञ्चालन हुनेछ ।

     

    यस वर्षको माध्यमिक शिक्षा परीक्षामा पाँच लाख १४ हजार ७१ जना विद्यार्थी सहभागी हुने पनि बोर्डले जनाएको छ । गत वर्ष २०८० को एसइई परीक्षामा चार लाख ६४ हजार ७८५ जना विद्यार्थी सहभागी भएका थिए । यस वर्षको परीक्षामा विद्यार्थीको सङ्ख्या ४९ हजार २८६ जना बढेको छ ।

    परीक्षामा १५० जनासम्म परीक्षार्थी भएको केन्द्रमा एकजना सहायक केन्द्राध्यक्ष र २० जना विद्यार्थी बराबर एकजना निरीक्षक खटाउने प्रबन्ध गरिएको छ । परीक्षामा ७५ जनाभन्दा कम परीक्षार्थी भएको केन्द्रमा सहायक केन्द्राध्यक्ष नराखिएको कार्यालयले जनाएको छ ।

    यस वर्षको एसइई आजदेखि सुरु भएर यही चैत १९ गतेसम्म सञ्चालन हुनेछ । परीक्षा बिहान ८ देखि ११ बजेसम्म सञ्चालन हुनेछ ।

  • मलाई एकीकृत समाजवादीमा जान एमालेले दिएनः वामदेव गौतम

    मलाई एकीकृत समाजवादीमा जान एमालेले दिएनः वामदेव गौतम

    काठमाडौँ । आफूलाई नेकपा एकीकृत समाजवादीमा जान नेकपा एमालले नदिएको राष्ट्रिय सभाका सांसद वामदेव गौतमले बताएका छन्।

    उनले नेकपा (एकीकृत समाजवादी) मा जान नदिन एमालेले प्रस्ताव गरेको बताएका हुन्।

    बुधवार राष्ट्रिय सभाको बैठकपछि संसद भवन परिसरमा सञ्चारकर्मीहरूसँग कुराकानी गर्दै उनले औपचारिक निर्णय नभए पनि जाने पक्कापक्की भइसकेपछि प्रस्ताव गरेर एमालेले अल्मल्याउने काम गरेको उनको भनाइ छ ।

    उनले अब तत्काल कुनै पनि पार्टीसँग एकीकरण नगर्नेसमेत बताए। उनले आफ्नो अभियानको परिमार्जन गर्दै ठूला कम्युनिष्ट पार्टीहरूलाई एक ठाउँमा ल्याउने प्रयत्न गर्ने बताए।

    उनले भने, ‘हामी समाजवादीमा जाने एक किसिमको सहमति भइसकेको अवस्था थियो । निर्णय नभएपनि मन चाहीँ त्यस्तो किसिमको भइसकेको थियो । त्यही बेलामा एमालेबाट प्रस्ताव आयो । त्यो प्रस्ताव वामदेव नेकपा एकीकृत समाजवादीतिर नजाओस् भनेर रहेछ । अहिले तत्काल कुनै पार्टीमा जानुभन्दा नि हामी आफूलाई परिमार्जन गर्छौं।’

    जनतामार्फत कम्युनिष्ट एकता गर्ने अभियान पुरानो भइसकेको भन्दै अब अभियान नभइ व्यक्तिगत प्रयत्न रहने उनको भनाइ छ।

  • Team Sandesh: A Game Changer in Loksewa and TSC Exam Preparation

    Team Sandesh: A Game Changer in Loksewa and TSC Exam Preparation

    Kathmandu – With the increasing demand for government jobs in Nepal, the competition for positions in Loksewa Nasu Kharidar and the Teacher Service Commission (TSC) exams has intensified. Every year, thousands of candidates compete for limited vacancies, making structured and effective preparation more important than ever. In response to this challenge, Team Sandesh, founded by Er. Sandesh Chapagain, has gained recognition as a leading training institute, offering a modern, technology-driven approach to competitive exam preparation.

    A Modern Approach to Exam Preparation

    Unlike conventional coaching centers, Team Sandesh provides a flexible learning system that combines live online classes, recorded lectures, expert-designed study materials, and real-time exam simulations. This approach allows students to learn at their own pace while receiving expert guidance from experienced faculty members.

    To further enhance students’ preparation, Team Sandesh has launched the TS Gurukul app, available on the Google Play Store, which provides:
    ✔ Comprehensive study notes for different subjects.
    ✔ Self-paced quizzes and mock tests to help students evaluate their progress.
    ✔ Performance tracking tools that identify areas for improvement.

    These features have made TS Gurukul a valuable resource for students preparing for Loksewa and TSC exams, allowing them to practice and improve their skills in a structured manner.

    Experienced Faculty with a Proven Track Record

    One of the major reasons for Team Sandesh’s success is its highly experienced faculty, who have been guiding government job aspirants for years. The team includes:
    • Dinesh Bajgain (General Knowledge Expert) – Covers Nepalese and international GK, history, and current affairs.
    • Er. Mahendra Saud (IQ & Logical Reasoning Specialist) – Focuses on problem-solving and analytical skills.
    • Section Officer Kamal Bhusal & Narayan Prasad Khanal (PSC Experts) – Provide in-depth knowledge of Public Service Commission (PSC) exams.
    • Education Officer Rukesh Chapagain (TSC Exam Mentor) – Helps aspiring teachers prepare for the Teacher Service Commission (TSC) exams.
    • Top 10 Rank Holder Chiranjiwi Duwadi (TSC Specialist) – Shares strategies for success in TSC exams based on first-hand experience.

    These experts play a crucial role in helping students understand exam patterns, develop effective study strategies, and build confidence for the final test.

    Growing Recognition and Positive Student Feedback

    Located in New Baneshwor, opposite Alfa Beta, Team Sandesh is a VAT-registered and government-certified institution committed to providing affordable and high-quality education. Over the years, it has gained trust and recognition among Loksewa and TSC aspirants.

    Many students who have trained with Team Sandesh have successfully secured government jobs. Their feedback and success stories can be found on the institute’s Facebook page (Loksewa Class by Team Sandesh) and official website (teamsandesh.com). According to students, the structured study plans, expert mentorship, and real-time mock exams have significantly improved their preparation and performance.

    The Future of Competitive Exam Training in Nepal

    With government job exams becoming more competitive, institutions like Team Sandesh are playing a crucial role in helping students prepare strategically and efficiently. By combining traditional teaching methods with digital learning tools, Team Sandesh is making quality exam preparation accessible to a wider range of students across Nepal.

    As more aspirants seek reliable coaching for Loksewa and TSC exams, Team Sandesh continues to stand out as a trusted training institute, providing students with the right resources, expert guidance, and exam-focused strategies to achieve success in the public sector.